https://ift.tt/3iVfhzj ප්‍රගීත් අතුරුදන් කරවීම : නඩුවේ සාක්ෂිකරු අධිකරණ නියෝගය කඩමින් පළිගැනීම් කොමිසමට ගිහින් ! මාධ්‍යවේදී ප්‍රගීත් එක්නැලිගොඩ අතුරුදන් කරවීම පිළිබඳ නඩුවේ සාක්ෂිකරුවකු වන ජේ. එම්. රන්බණ්ඩා මහතාට මෙම නඩුව අවසන් වනතුරු ශ්‍රේෂ්ඨාධිකරණයෙහි හෝ අභියාචනාධිකරණයෙහි හැර වෙනත් කිසිදු විනිශ්චය ආයතනයකට ගොස් සාක්ෂි දීමෙන් වළකින ලෙස නියෝග කර තිබියදීත් ඔහු එම නියෝගය නොතකා දේශපාලන පළිගැනීම් පිළිබඳ සොයාබලන ජනාධිපති කොමිසම හමුවේ සාක්ෂි දී ඇති බව නීතිපති දෙපාර්තමේන්තුව ඊයේ (22) අධිකරණය දන්වා සිටියේය. පැමිණිල්ල වෙනුවෙන් පෙනී සිටි නියෝජ්‍ය සොලිසිටර් ජනරාල් දිලීප පීරිස් මහතා අධිකරණයට දැනුම් දුන්නේ නඩුව මීට පෙර කැඳවූ අවස්ථාවේදී එම සාක්ෂිකරුට විශේෂ ත්‍රිපුද්ගල මහාධිකරණ විනිසුරු මඬුල්ල තරයේ අවවාද කරමින් මෙම නියෝගය නිකුත් කළ නමුත් ඊට පසුදිනම ඔහු දේශපාලන පළිගැනීම් කොමිසම හමුවේ සාක්ෂි ලබාදී ඇති බවයි. ඒ අනුව මෙසේ අධිකරණ නියෝගය කඩකිරීම සම්බන්ධයෙන් නීතිපතිවරයාගේ ස්ථාවරය දැනුම් දීම පිණිස කල් ලබාදෙන ලෙස නියෝජ්‍ය සොලිසිටර් ජනරාල්වරයා කළ ඉල්ලීම පිලිගත් අධිකරණය නඩුවේ සාක්ෂි විභාගය සැප්තැම්බර් 29 දක්වා කල් තැබීමටයි නියම කළේ. මෙම සාක්ෂිකරු මීට පෙර නඩු වාරයකදී අධිකරණය හමුවේ පෙනී නොසිට දේශපාලන පළිගැනීම් කොමිසම හමුවට ගොස් තිබුණු අතර විනිසුරු මඬුල්ල ඔහුට එය තහනම් කරමින් නියෝගයක් නිකුත් කළේ ඒ හේතුවෙනි. noreply@blogger.com (Lanka Hot News)

via Gossip Lanka Hot News | lankahotnews.com | Gossip lanka news | gossip lanka c news | lanka hot news