https://ift.tt/31c2WzY ආණ්ඩුවෙ මන්ත්‍රීවරුත් කළකිරිලා, ඡන්ද‍ෙ දීපු අයත් කළකිරිලා - විජේදාස (Video) තව අවුරුදු කිහිපයක් තුළ ශ්‍රී ලංකාව චීන කොලනියක් බවට පත්වීම නියත බව පාර්ලිමේන්තු මන්ත්‍රී විජේදාස රාජපක්ෂ මහතා පවසනවා. 20 වැනි සංශෝධනය සම්මත වුවහොත් ඇමරිකානු කොලනියක් බවට පත්වීමට ද ඉඩ තිබෙන බවයි මන්ත්‍රීවරයා පවසන්නේ. කොළඹ අගරදගුරු මැල්කම් රංජිත් කාදිනල්වරයා හමුවීමෙන් පසුව මාධ්‍ය වෙත අදහස් දක්වමින් විජේදාස රාජපක්ෂ මහතා මේ බව සඳහන් කළේය. රිෂාඩ් බදියුදීන් මහතා අත්අඩංගුවට ගැනීමට පොලීසිය අසමත් වීම සම්බන්ධයෙන් අදහස් දක්වමින් විජේදාස රාජපක්ෂ මහතා සඳහන් කළේ ඔහු පමණක් නොව ඔහුගේ සහෝදරයාද ආරක්ෂා කරන්නේ ආණ්ඩුව විසින්ම බවයි. රටේ බහුතර ජනතා විසින් ජනාධිපතිවරයා සහ අගමැතිවරයා කෙරෙහි තැබූ බලාපොරොත්තුව දිනෙන් දිනම බිඳවැටෙමින් තිබෙන බවද රාජපක්ෂ මහතා පවසනවා. වත්මන් ආණ්ඩුවට හා ජනාධිපතිවරයාට ඡන්දය ලබාදුන් ජනතාව කළකිරීමට පත්ව ඇති බව පෙන්වා දෙන මන්ත්‍රීවරයා පවසන්නේ ජනතාව පමණක් නොව පොහොට්ටුවෙන් ඡන්දය ඉල්ලූ දේශපාලනඥයන්ද කළකිරීමට පත්ව සිටින බවයි. තමන් වෛරී සහගත දේශපාලනයක නිරත වූ බවට ආණ්ඩුවේම පාර්ශ්ව සිදු කරන චෝදනා සම්බන්ධයෙන් අදහස් දක්වමින් විජේදාස රාජපක්ෂ මහතා පවසන්නේ තමන් වෛරී සහගත දේශපාලනයක නිරත වූයේ නම් ගෝඨාභය රාජපක්ෂ මහතා මේ වනවිට සිටිය යුත්තේ වැලිකඩ සිරගෙදර බවයි. මහින්ද රාජපක්ෂ මහතා කාල්ටන් නිවසට වී සහ බැසිල් රාජපක්ෂ මහතා ඇමරිකාවට වී සිටිය යුතු බවත් පවසන විජේදාස රාජපක්ෂ මහතා පෙන්වා දෙන්නෙ අද රාජපක්ෂ සහෝදරවරුන් පාලකයන් ලෙස කටයුතු කරන්නේ තමන් වෛරී සහගත දේශපාලනයක නිරත නොවූ නිසා බවයි. noreply@blogger.com (Lanka Hot News)

via Gossip Lanka Hot News | lankahotnews.com | Gossip lanka news | gossip lanka c news | lanka hot news