https://ift.tt/2YbJtPg සජිත්ගෙන් ඉංග්‍රීසි ඉගෙන ගත් රන්ජන්ට C එකක් ! හිටපු පාර්ලිමේන්තු මන්ත්‍රී රන්ජන් රාමනායක මහතා පසුගිය සාමාන්‍ය පෙළ විභාගයට ඉදිරිපත් විය. ඒ ඉංග්‍රීසි විෂය සඳහායි. මේ වනවිට ප්‍රතිඵල නිකුත් වී ඇති අතර රන්ජන් රාමනායක මහතාට ඉංග්‍රීසි විෂයය සඳහා C සාමාර්ථයක් ලැබී තිබෙනවා. රන්ජන් රාමනායක මහතාගේ ඉංග්‍රීසි ගුරුවරයා වන්නේ සමගි ජන බලවේගයේ නායක සජිත් ප්‍රේමදාස මහතාය. පසුගිය කාලයේදී ලීක් වූ රන්ජන්ගේ හඬපට අතර රන්ජන්-සජිත් දුරකතන සංවාද පැය 100 කටත් වඩා හමු වී තිබූ අතර එම හඬපටවල තිබුණේ සජිත් ප්‍රේමදාස මහතා විසින් රන්ජන් රාමනායක මහතාට ඉංග්‍රීසි උගන්වන ආකාරයයි. රන්ජන්ගේ හඬපට සම්බන්ධයෙන් සමාජයේ බොහෝ දෙනාගේ කියවීම වූයේ එම හඬපටවල කුණුහරුප, මඩ ගැසීම්, අසභ්‍ය දේ සහ එක් එක් පුද්ගලයන්ගේ ඕපාදූප අඩංගු බවයි. අදාල හඬපට මුදාහළ පුද්ගලයන්ද එවැනි හඬපට පමණක් මුදාහැරීමට කටයුතු කළේය. රන්ජන්ගේ C සාමාර්ථය පිටුපස සිටින ප්‍රධාන ගුරුවරයා සජිත් ප්‍රේමදාස මහතා වන අතර රන්ජන්ගේ සාර්ථක ප්‍රතිඵලයේ ගෞරවය සජිත් ප්‍රේමදාස මහතාටද හිමි විය යුතුය. රන්ජන් රාමනායක මහතා පසුගිය වර උසස් පෙළ විභාගයටද පෙනී සිටි අතර එහිදීද ඉංග්‍රීසි භාෂාව සමත් වීමට ඔහු සමත්ව තිබිණි. ඔහුගේ බලාපොරොත්තුව වන්නේ නීති විද්‍යාලයට ඇතුළත්ව නීතිය හැදැරීමයි. ඒ අනුව රන්ජන් රාමනායක මහතා බොහෝ දෙනෙකු ආදර්ශයක් වන අතර අධ්‍යාපනය ලැබීමට වයස කිසිසේත්ම බාධාවක් නොවන බවට ඔහු මනා උදාහරණයකි. noreply@blogger.com (Lanka Hot News)

via Gossip Lanka Hot News | lankahotnews.com | Gossip lanka news | gossip lanka c news | lanka hot news