https://ift.tt/3aVkFiZ SJB පක්ෂයක් නොවන බව කියයි: සජිත්ට ඉන්න හිටින්න පක්ෂයකුත් නැති වෙයි සමගි ජන බලවේගය යනු දේශපාලන පක්ෂයක් නොවන බවත්, සන්ධානයක් බවත්, එහි සාමාජිකත්වය දැරිය හැක්කේදේශපාලන පක්ෂවලට පමණක් වන නිසා සජිත් ප්‍රේමදාස මහතා ප්‍රමුඛ සමගි ජන බලවේගයේ නායකයන් ඉක්මනින්ම තමන්ගේ දේශපාලන පක්ෂය කුමක්දැයි තීන්දු කළ යුතු බවත් දෙමළ ප්‍රගතිශීලී සන්ධානයේ නායක මනෝ ගනේෂන් මහතා කියයි. 'අනිද්දා' පුවත්පතට ප්‍රකාශයක් ලබාදෙමින් ඔහු එබව අවධාරණය කර තිබේ. සමගි ජන බලවේගය නම් සන්ධානය නිර්මාණය කරගත්තේ එක්සත් ජාතික පක්ෂයෙන් කැඩී ආ සජිත් ප්‍රේමදාස ප්‍රමුඛ කණ්ඩායම, ශ්‍රී ලංකා මුස්ලිම් කොංග්‍රසය, ජාතික හෙළ උරුමය, දෙමළ ප්‍රගතිශීලී පෙරමුණ, රිෂාද් බදියුදීන් මහතාගේ පක්ෂය ඇතුළු දේශපාලන පක්ෂවල එකතුවෙන් බව ඔහු පැහැදිලි කර තිබේ. දැනට සජිත් ප්‍රේමදාස ප්‍රමුඛ එජාපයෙන් කැඩී ආ පිරිස සජිත් පිල ලෙස හැඳින්විය හැකි නමුත්, ඉක්මනින් ඔවුන් තමන්ගේ පක්ෂයක් නිර්මාණය කරගෙන එම පක්ෂය නියෝජනය කරමින් සමගි ජන බලවේගයට එකතු විය යුතු බව මනෝ ගනේෂන් මහතා පෙන්වාදී තිබේ. noreply@blogger.com (Lanka Hot News)

via Gossip Lanka Hot News | lankahotnews.com | Gossip lanka news | gossip lanka c news | lanka hot news